Санчез утре на прегледи во Милано

„Скај Италија“ тврди дека трансферот на Алексис Санчез од Манчестер Јунајтед во Интер ќе биде комплетиран утре.

Чилеанецот се очекува утре да пристигне во Милано на лекарски прегледи, а потоа и официјално да стави потпис на договорот со „нероаѕурите“.

Санчез ќе пристигне на едногодишна позајмица, а Интер ќе се обврзе да ја плаќа половина од неговата плата, која изнесува 500.000 фунти неделно. Останатата половина ќе ја плаќа Манчестер Јунајтед.

30-годишниот напаѓач пристигна на „Олд Трафорд“ во јануари 2018 година, но се снајде најдобро и одигра само 45 меча за „црвените ѓаволи“ во сите натпреварувања.

Поради тоа Манчестер Јунајтед сака да се ослободи од него и е спремен да му ја плаќа половина од платата, а Интер ќе има опција следното лето да го откупи за 15 милиони евра.

Конте смета дека Санчез ќе биде одличен во тандем со Лукаку, го има и Лаутаро, па практично е на чекор да оформи супер напад на што инсистираше од неговото доаѓање во клубот.