Фудбалерите на Реал Мадрид денес го победија Еспањол на свој терен со 2:0 во рамките од 16. коло од шпанската Ла Лига.
„Кралевите“ не одиграа нешто посебно добро, но сигруно дека за нив е најважно што запишаа нови три бода. Домаќините поведоа со 1:0 во 37. минута кога Бензема му асистираше на Варан.
Еспањол во продолжение се обидуваше да дојде до реми. Гостите имаа неколку одлични прилики, меѓутоа мрежата на „кралевите“ мируваше.
Натпреварот беше решен во 79. минута кога Валверде асистираше за Бензема. Французинот со овој гол и асистенцијата за Варан само ја продолжи одличната форма.
Треба да се спомене дека домаќините од 83. минута играа со играч помалку бидејќи втор жолт картон доби Менди.
Реал сега е прв со 34 бода и натпревар повеќе од Барселона која својот натпревар го игра подоцна. Од друга страна Еспањол е претпоследен со само девет бода.
Учество во игри на среќа е дозволено за лица со 18+ години. Играј одговорно!