Реал Мадрид пронајде замена за Карвахал

Реал Мадрид лошо за започна сезоната, а Зидан има големи проблеми со повредени играчи. Поради тоа „кралевите“ сигурно ќе бидат активни на трансфер пазарот во јануари.

Еден од најважните фудбалери во екипата на Зидан и еден од најдобрите десни бекови на светот, Дани Карвахал поради проблеми со срцето нема да може да тренира два месеци, а неизвесно е кога ќе се врати на терените.

Токму поради тоа главна цел на „кралевите“ во зимскиот преоден рок е да најдат замена за Шпанецот, бидејќи моментално на таа позиција го имаат само 18-годишниот Акраф Хакими.

Шпанските медиуми пренесуваат дека раководството веќе ја идентификувала главната цел за таа позиција, а станува збор за играчот на Реал Сосиедад, Алваро Одриозола.

Откупната клаузула на овој 21-годишен десен бек изнесува 40 милиони евра, што за „кралевите“ нема да претставува никаков проблем.

Раководството на Реал сака да го договори трансферот што е можно побрзо бидејќи за Одриозола се интересираат многу европски клубови, меѓу кои и Барселона.