Дома Фудбал Раул: Се чуствувам како да сум играл фудбал уште пред да се родам

Раул: Се чуствувам како да сум играл фудбал уште пред да се родам

Легендарниот Раул Гонзалес работи како тренер во академијата на Реал Мадрид.

Поранешниот капитен на „кралевите“ зборуваше за работата со деца и неговата кариера.

„Кога бев дете не постоеа школи за фудбал како денес. По цел ден бевме надвор и игравме фудбал, во дворот, паркот или на улицата. Започнав да тренирам на 11 години. Мислам дека секој татко сонува синот да му стане фудбалер, па ниту мојот не се разликуваше. Сепак за разлика од татковците на моите другари, мојот кој работеше како електричар, многу повеќе се занимаваше со мојот развој во фудбалот“.

„Знаеше кога требаа ме критикува, но никогаш не ми дозволи да се откажам. Семејството е важен извор на поддршка. Сега кога ќе размислам, ми изгледа како да играв фудбал уште пред да се родам“, изјави Раул.

Поранешната „седмица“ на Реал има свое гледање на фудбалот.

„Многу е важно да имате високи етички и морални стандарди во фудбалот. Постојат преубави начини да дојдете до победата, но постојат и поинакви. Овие вторите никогаш нема да бидат мои избор, ниту ќе учам некого на таков начин да победува“, порача легендарниот шпански фудбалер.

Коментари
Advertisements
Прочитајте поврзани статии
Load More In Фудбал

Проверете

Вонредна ситуација за „Ел Класико“: Над 3.000 полицајци и специјалци ќе го обезбедуваат мечот

Првото „Ел Класико“ оваа сезона беше одложен поради протестите во Барселона, па конечно на…