Проблеми во Аталанта: Гомез одбил наредба на Гасперини, па бил заменет

Италијанските медиуми пишуваат за проблеми во редовите на Аталанта.

Наводно, Папу Гомез одбил од тренерот Џан Пјеро Гасперини да напаѓа по десната страна па затоа бил заменет на полувреме.

Вчера Аталанта одигра 1:1 против Митјиланд, резултат кој на крајот и не беше толку лош затоа што Ливерпул го победи Ајакс. Сепак, јасно е дека Аталанта не игра на нивото на кое беше во финишот на минатата сезона.

Сега во Италија се пишува и за проблеми во соблекувалната. Во текот на првиот дел Гасперини побарал од Папу Гомез да напаѓа по десната страна и да ја промени позиција меѓутоа Аргентинецот ја одбил таквата наредба.

Гомез и Гасперини потоа имале дискусија во соблекувалната после што стратегот на Аталанта покажал кој е главен и го заменил на стартот од второто полувреме.