Претседателот на Јувентус призна: Би било ерес да не мислиме на Гвардиола!

Претседателот на Јувентус, Андреа Ањели ги коментираше шпекулациите во медиумите дека Пеп Гвардиола би можел да седне на клупата на „старата дама“.

Шпекулациите за доаѓањето на Гвардиола во Јувентус додатно се засилија откако Манчестер Сити беше суспендиран на две сезони од европските натпреварувања.

Ањели истакна дека се задоволни од работата на Сари, но „би било ерес доколку не мислат на Гвардиола“.

„Би било ерес да не мислиме на Гвардиола. Во овој момент тој е среќен таму каде што е. Мислам дека е малку веројатно тој да го напушти Сити, бидејќи се чувствува многу комфорно. Меѓутоа, ние сме задоволни со Сари, со него започнавме тригодишен проект и ќе видиме како ќе се развиваме во иднина“, изјави Ањели.

Agnelli: "Guardiola? Heresy to say that you don't think of Guardiola, but today you have to evaluate the moment you live, like any professional. If one is happy where he is, its difficult to move."

— Juventus News – Juvefc.com (@juvefcdotcom) February 24, 2020