Првпат после 13 години „супер агентот“ нема ниту еден играч на Реал

За првпат после 2007 година Реал Мадрид во своите редови нема ниту еден играч кој го застапува моќниот португалски фудбалски менаџер, Жорге Мендеш.

Мендеш и понатаму може да се пофали дека меѓу клиентите има големи ѕвезди, но повеќе нема ниту еден играч кој го носи дресот на Реал Мадрид.

Последен играч на Мендеш кој беше дел од Реал Мадрид беше Хамес Родригез кој пред неколку дена премина во Евертон. Така се прекина и врската помеѓу Мендеш и Реал долга 13 години.

Се започна со Пепе кој од Порто пристигна во Реал за 30 милиони евра во 2007 година. Од тогаш Мендеш во Реал ги застапуваше: Гарај, Роналдо, Мурињо (тренер), Ди Марија, Карваљо, Коентрао, Фабињо и Хамес.

Според официјалните податоци во тие 13 години учествувал во трансфери на Реал вредни 484 милиони евра.