Дома Фудбал Официјално: Златко Далиќ ќе остане селектор на Хрватска и после Мундијалот во Катар

Официјално: Златко Далиќ ќе остане селектор на Хрватска и после Мундијалот во Катар

Златко Далиќ ќе биде селектор на фудбалската репрезентација на Хрватска до 2024 година.

Фудбалскиот сојуз на Хрватска потврди дека Далиќ потпишал нов договор според кој треба да ја води Хрватска до крајот на Европското првенство во 2024 година.

„Благодарност до претседателот и раководството на довербата. Многу пати и претходно истакував дека за мене е чест водењето на националниот тим. Иако со ова доаѓа и огромна одговорност и голем притисок, сепак водењето на репрезентацијата е најголема привилегија која еден тренер може да ја има. Воопшто не се довумев кога ми беше понудено продолжување на договорот“, изјави Далиќ.

Далиќ селектор на Хрватска стана во 2017 година и со оваа репрезентација стигна до финалето на Светското првенство 2018 година, а на Европското првенство летово Хрватска беше елиминирана во осминафиналето.

Коментари
Прочитајте поврзани статии
Load More In Фудбал

Проверете

Андора прва на патот на фудбалерките кон повисок ранг во Лигата на нации

Македонските фудбалерки ќе го отворат циклусот во март 2027 со два домашни дуела. Во група…