Официјално: Барселона го испрати Сержињо Дест на нова позајмица

Aмериканскиот дефанзивец Сержињо Дест наредната сезона ќе игра во ПСВ како позајмен фудбалер оод Барселона.

Холандскиот клуб има опција да го откупи договорот на 23-годишниот фудбалер откако позајмицата ќе се заврши.

Барселона и во претходната сезона го испрати Дест на позајмица и тоа во екипата на Милан каде што собра само седум настапи.

За Дест ова е враќање во Холандија каде што претходно го носеше дресот на Ајакс. Ако ПСВ сака да го откупи договорот ќе треба на Барселона да и исплати сума од десет милиони евра.

Sergiño is red white! 😏 pic.twitter.com/PwDEq4DHtp

— PSV (@PSV) August 21, 2023