Од Рим стигнаа најлошите вести: Нестор мора на операција!

Македонскиот репрезентативец Илија Несторовски изгледа и дефинитивно ќе остане без сонот да заигра на Европското првенство ова лето.

Како и што беше најавено, денес Нестор имаше детални прегледи кај докторот Маријани во Рим, а вестите се лоши – ќе мора на операција на вкрстените лигаменти. Ваква операција предвидува пауза од најмалку шест месеци, па така дефинитивно нема да биде дел од македонската репрезентација за Евро 2021.

Повредата Несторовски ја заработи пред три дена на тренинг и сега се покажа дека воопшто не била наивна. Удинезе прво објави дека сезоната за македонскиот напаѓач е завршена, но ние се надевавме дека ќе биде спремен за ЕП, сепак изгледа на собирот на најдобрите во Европа ќе мораме без него.