Одобрена продажбата на Челзи, парите ќе легнат на замрзната сметка

Конзорциумот предводен од американскиот милијардер Тод Боили ќе добие одобрение од британските власти да го купи фудбалскиот клуб Челзи.

Според „Скај спорт“, британските власти добиле правни гаранции дека сопственикот на Челзи, Роман Абрамович нема да има корист од продажбата на клубот, што значи дека можат да одобрат зделка вредна 4,25 милијарди фунти.

Приходите од продажбата ќе одат на замрзната сметка контролирана од британската влада. Освен во Велика Британија, Абрамович беше санкциониран од Европската унија, а бидејќи има португалски пасош, продажбата ја одобрија португалските власти.

Продажбата мора да се комплетира до 31 мај, во спротивно Челзи може да биде исфрлен од Премиер лигата и европските натпреварувања.