Нов скандал во турскиот фудбал на натпревар на кој што играа двајца македонски репрезентативци

Неодамна судија беше претепан на теренот, поради што беа одложени натпреварите од 17. коло, а вечерва се случи нов скандал во рамките од турската Супер лига.

Во второто полувреме од натпреварот помеѓу Истанбулспор на Валон Етеми и Трабзонспор на Енис Барди, претседателот на домашната екипа им нареди на играчите да го напуштат теренот незадоволни од судењето. Наводно, причината е недосуден пенал.

Натпреварот беше прекинат во 79 минута при резултат 1:2 за Трабзонспор и фудбалерите на Истанбулспор немаа намера да се вратат на теренот.

Спорен детал кога домашните побараа пенал, кој не беше досуден, а недолго потоа Трабзон постигна гол.

Конверзација со првиот човек на Истанбулспор имаше и македонскиот репрезентативец Етеми