„Неуништливиот“ Табарез уште 4 години ќе го води Уругвај!

71-годишниот Оскар Табарез ќе ја предводи селекцијата на Уругвај и на наредното Светско првенство во 2022 година во Катар, нормално доколку се пласира.

Имено, искусниот тренер денес потпиша нов 4-годишен договор со Федерацијата на Уругвај.

Популарниот „професор“ освен што е во осмата деценија од животот боледува од ретка болест на нервниот систем. Но и покрај тоа одлучи да продолжи да ја предводи репрезентацијата.

Табарез е на клупата на Уругвај по втор пат од 2006 година, а претходно ја педводеше репрезентацијата од 1988 до 1990 година. Уругвајците со него одиграа четири Светски првенства, а најдобриот успех го постигнаа 2010 година кога играа во полуфинале.