Нема нови преговори: Јувентус се збогуваше со Дибала, Мората и Бернардески

Преку социјалните мрежи Јувентус денес и официјално се збогуваше со Алваро Мората, Федерико Бернардески и Паоло Дибала.

Мората беше позајмен од Атлетико Мадрид, се пишуваше дека Алегри сака да го задржи, но тоа не се случи, „старата дама“ не ја активираше клазулата за откуп и тој се враќа во Мадрид.

Кога се Дибала и Бернардески во прашање тие си заминуваат откако им истекоа договорите.

Со оваа објава веројатно „паѓаат“ во вода и шпекулациите кои се појавија дека Дибала би можел да ги обнови преговорите за нов договор. Аргентинецот изгледаше дека е блиску до преселба во Интер, но сега ништо не е познато.

Бернардески од Торино си заминува после пет години откако пристигна од редовите на Фиорентина во трансфер кој предизвика бурни реакции.