На Шпанецот му недостасува татковината – Раул Албиол се враќа во Шпанија

Како што пишува шпанската „Марка“, Виљареал е на прагот до потпис на шпанскиот дефанзивец, Раул Албиол.

Жолтата подморница веќе го обезбеди потписот на Фунес Мори од Евертон, а сега сакаат дополнително да ја засилат дефанзивната екиоата.

Раул Албиол е под договор со Наполи и би сакал да се врати во Шпанија каде што го носеше дресот на Валенсија и Реал Мадрид. По 5 сезони поминати во Серија А, изгледа дека на одличниот дефанзивец му недостасува татковниата.

Сепак, за се ќе се праша првиот човек на Наполи, Аурелио Де Лорентис, кој секако нема да дозволи многу заминувања од екипата која минатата сезона беше на чекор од титулата италијански шампион, но на крајот ја испушти.