Дома Трансфер зона Навивачите го натераа Конте да се премисли: Наинголан добива шанса во Интер

Навивачите го натераа Конте да се премисли: Наинголан добива шанса во Интер

0

Фудбалерите на Интер поголемиот дел од припремите за новата сезона ќе ги одработат во далечната Кина каде што ќе учествуваат на Интернационалниот куп.

Интер минатата недела ги започна припремите и неколку тренинзи одработија во својот тренинг центар, а сега следи пат за Кина каде што избраниците на Антонио Конте ќе одработат поголем дел од припремите за новата сезона.

Играчкиот кадар на Интер се уште не е „заклучен“ и се очекуваат нови имиња, но и заминувања. Едно е сигурно, а тоа е дека во наредната сезона во тимот нема да биде Мауро Икарди. Постои шанса и да биде, меѓутоа тешко дека ќе го видиме на теренот.

Конте одлучи да го отпише Икарди и јасно му порача дека може да бара нов клуб. Истото го направи и со Раџа Наинголан, сепак со Белгиецот сега се премисли.
Навивачите на Интер протестираа затоа што Наинголан заврши на трансфер листата и очигледно го натераа Конте да размисли. Белгиецот веројатно ќе остане затоа што се најде на списокот на играчи кои ќе патуваат во Кина, додека Икарди ја немаше таа среќа.

Играчите на Интер кои ќе патуваат во Кина: Берни, Хандановиќ, Падели; Бастони, Д’Амбросио, Далберт, Де Фрај, Ранокија, Скриниар, Нтубе, Пирола, Агоума, Барела, Борха Валеро, Брозовиќ, Кандрева, Гаљардини, Жоао Марио, Лазаро, Наинголан, Перишиќ, Сенси; Лонго, Политано, Колидо, Еспосито и Вергани. Лаутаро Мартинез ќе им се приклучи подоцна бидејќи се уште е на одмор поради обврските кои ги имаше за Аргентина на Копа Америка.

Коментари
Advertisements
Прочитајте поврзани статии
Load More In Трансфер зона

Проверете

ТРАНСФЕРИ ВО ЖИВО: Нејмар е главна тема, Милан носи големо засилување

Влегуваме во последната недела од преодниот рок, а нашата редакција навремено ве известува…