Мурињо го напушта Јунајтед? Еве што вели Жорге Мендеш!

Супер-агентот Жорге Мендеш кој го застапува Жозе Мурињо се огласи по повод шпекулациите дека „Специјалниот“ може да го напушти Манчестер Јунајтед.

Мендеш тврди дека Мурињо е среќен во Манчестер Јунајтед и нема никаква намера да го напушти клубот.

„Има премногу шпекулации дека Жозе Мурињо заминува од Манчестер јунајтед и сето тоа се само – невистини! Жозе е среќен во клубот и клубот е среќен со него. Тој има долгогодишен договор со Манчестер Јунајтед и е целосно посветен на клубот во намерата да изгради победнички проект“, изјави Жорге Мендеш.

Меѓутоа, шпекулациите во медиумите се поврзани со тоа дека клубот е спремен да му даде отказ, а не дека Мурињо сака да си замине од „Олд Трафорд“.

Денес повеќето медиуми на Островот објавија дека „црвените ѓаволи“ веќе го пронашле заменикот за Мурињо и дека ќе можат да го избркаат без обештетување доколку тимот не заврши во Топ 4 на крајот на сезоната.

Јунајтед најде замена за Мурињо, но ќе треба да плати 45 милиони! https://t.co/3e7z7owP04

— Sportski.mk (@Sportski_mk) December 7, 2018