Мојес: Способен сум да работам било каде, репутацијата не доаѓа сама по себе!

Мојес изминатиот месец е именуван за нов менаџер на Вест Хем, а под негово водство англискиот клуб излезе од кризата и остана непоразен во последните три натпревари.

„Способен сум да работам во било кој клуб во светот, така што сум сигурен дека тоа го можам и во Вест Хем. Треба тоа да го докажам. Морате да покажете се што можете. Репутацијата не настанува сама од себе“, истакна 54-годишниот стратег.

Вест Хем инаку, побегна од зоната за испаѓање и во Премиер лигата се наоѓа на 15. позиција со 17 освоени бодови.

Од друга страна, за Мојес ова е шести клуб во досегашната тренерска кариера. Претходно ги предводеше Сандрленд, Реал Сосиједад, Манчестер Јунајтед, Евертон и Престон.