Реал Мадрид наводно е заинтересиран за Рашфорд и Ериксен.
Од денот кога Роналдо си замина во Јувентус, во Реал Мадрид се се сруши како кула од карти, иако со заминувањето на Лопетеги и доѓањето на Солари ситуацијата малку се промени. Меѓутоа, јасно е дека и на претседателот Перез и на навивачите на клубот им недостасува некоја голема ѕвезда по заминувањето на Роналдо, а особено сега кога се повеќе се зборува дека клубот ќе го напуштат Бензема и Бејл на крајот на сезоната.
Уствари викендов е затишје пред бура! ↓↓↓
Реал се поврзува со многу врвни играчи, а денеска англиските медиуми ја шират веста за интерес на „Кралеите“ за две премиерлигашки ѕвезди. Наводно, Перез е одлучен да го доведе Маркус Рашфорд од Манчестер Јунајтед, кој игра константно на „Олд Трафорд“ оваа сезона и е еден од клучните играчи на Тотенхем, Кристиан Ериксен.
Нема сомнеж дека навивачите би биле задоволни со овие засилувања, а во Реал имаат план на овие играчи да потрошат околу 90 милиони фунти. Рашфорд за 50, а Ериксен за 40 милиони. Јасно, тука ќе се прашаат и Јунајтед и Тотенхем, а и секогаш се појавуваат нови играчи кои Реал сака да ги доведе, па не треба да направиме било какви заклучоци, барем сега кога не е завршен ниту првиот дел од сезоната.