Модриќ ги демантира шпекулациите: Останувам во Реал Мадрид!

Фудбалерот на Реал Мадрид, Лука Модриќ синоќа беше избран за најдобар фудбалер за 2018 година и ја доби „Златната топка“.

Од минатото лето траат шпекулациите дека Модриќ наскоро би можел да го напушти Реал во потрага по нова авантура.

Меѓутоа, синоќа Хрватот ги демантираше шпекулациите и истакна дека би сакал кариерата да ја заврши во Реал Мадрид.

„Имам договор на уште две години со Реал и се надевам дека ќе добијам уште еден договор. Клубот има одличен однос со мене и би сакал тука да ја завршам кариерата. Моето семејство одлично се чувствува во Мадрид и јас уживам во играњето за таков голем клуб“, истакна Модриќ.