Дома Македонски спорт Милан Ристовски: Сонувам да заиграм за Јувентус, немаме страв од Италија!

Милан Ристовски: Сонувам да заиграм за Јувентус, немаме страв од Италија!

Maкедонскиот напаѓач Милан Ристовски пред бараж пресметката со Италија имаше интервју за „Калчомеркато“.

Македонија како што е познато доби тежок пат за до Светското првенство во Катар, прво треба да ја победиме Италија на гости, а потоа да играме на гостински терен со подобриот од Португалија и Турција. Сепак напаѓачот кој добиваше шанса во последните мечеви кај Благоја Милевски, Милан Ристовски најави дека Македонија нема да се откаже.

„Ќе играме против европскиот шампион, нормално ако имав можност да бирам не би ја избрал Италија. Сепак имаме можност да го покажеме квалитетот и нашиот тимски дух. Натпреварот го чекам со нетрпение. Подготвени сме да се бориме. Немаме страв, ќе го анализираме противникот и ќе направиме се за да победиме“.

Ристовски призна дека во деството навивал за Јувентус и сонува да го облече дресот на „старата дама“.

„Ја почитувам Серија А. Од детството навивам за Јувентус и сонувам еден ден да заиграм таму“, изјави Ристовски.

Целото интервју на Ристовски – тука.

Фото: ФФМ

Коментари
Прочитајте поврзани статии
Load More In Македонски спорт

Проверете

Oдличен натпревар за Елмас и убедлива победа на Наполи 🎥

Наполи ја оправда фаворитската улога против Салернитана и славеше победа со 4:1 на домашен…