Медиумите тврдат: Санчез одлучи!

Од Јужна Америка стигнуваат вести дека Чилеанецот одлучил.

Медиумите во Чиле го потврдија она што се зборува со денови. Иако беше блиску до преселба во Баерн, Алексис Санчез се премисли, не сака да ја напушти Англија.

Наводно тој сака да остане во Премиер лигата, бидејќи веќе има договор со Гвардиола, но Венгер одби да преговара со Манчестер Сити.

Проблем е секако договорот, Санчез кој во изминатата сезона постигна 30 погодоци има обврска да остане на „Емирати“ уште една сезона. Напаѓачот е спремен да го направи и тоа, да остане уште една сезона, а потоа да замине без оштета.

Ситуацијата е целосно иста како кога Ван Перси го напушташе Арсенал и тогаш Венгер се договори да го продаде надвор од Англијa, поточно во Јувентус, но наместо тоа Холанѓанецот заврши во Јунајтед.

Санчез има ист план, да го чека финишот на преодниот рок, не му се брза, на Арсенал му се потребни пари за нов напаѓач, но тешко е да се верува дека „Граѓаните“ ќе платат повеќе од 40 милиони евра за фудбалер на кого договорот му истекува наредното лето.