Матеус: Јас селектор на Косово? Од каде ви е таа информација?!

Легендарниот Германец само се насмевна на новинарските претпоставки.

Поранешниот германски фудбалер и поранешен тренер на Партизан, Лотар Матеус ги демантираше најавите дека ќе ја превземе репрезентацијата на Косово.

Метеус само се насмеа на шпекулациите од приштинските медиуми дека би можел седне на испразнетото место на Алберт Буњако пред новиот квалификациски циклус за Европското првенство во 2020 година.

„Јас селектор на Косово? Воопшто не знам од каде ви е таа информација“, изјави Матеус.

Матеус има искуство од водење на национални тимови, беше селектор на Унгарија и Бугарија, а голем успех направи како тренер на Партизан со кој се избори за пласман во Лигата на шампионите во 2003 година.