Марио Геце: Од Баерн ми кажаа дека може да ме побараат

Марио Геце ова лето беше слободен агент и реши кариерата да ја продолжи во холандски ПСВ.

28-годишниот Германац направи добар избор бидејќи блеска во холандското првенство каде си ја „оживеа“ кариерата.

Сега признава дека имал конктакт со неговиот поранешен клуб Баерн Минхен и потврди дека може да се врати на „Алијанц Арена“.

„Не би отфрлил можност да се вратам во Бундеслигата. Сите опции се отворени за мене, но сега сум во Ајндховен и фокусиран сум на нашите цели. Имав контакт со Баерн Минех и ми кажаа дека ме ценат како личност и како играч и дека сакаат да ме вратат назад“, откри Геце.