Манчестер Јунајтед спреми богата понуда за Коман

Иднината на Кингсли Коман во Баерн Минхен е неизвесна откако играчот не може да се договори со клубот за продолжување на соработката.

Договорот на Коман истекува 2023 година. Тој нема намера да ја продолжи соработката ако не му биде понуден поголем договор, а моментално заработува 8 милиони евра по сезона.

Целата ситуација будно ја следи Манчестер Јунајтед, кој е силно заинтересиран за крилниот фудбалер.

„Црвените ѓаволи“ му нудат 12 милиони евра годишна плата и сметаат дека со тоа ќе го убедат да се пресели на „Олд Трафорд“.

Коман му дава приоритет на Баерн, но од Баварците бара да ја израмнат понудата на англискиот клуб.

Баерн не брза околу новиот договор и е спремен на лето да ги одбие сите понуди кои ќе пристигнат на нивна адреса.