Малку фалеше Швајцарија да ни даде шанса за борба за прво место, Данска едвај победи

Данска тешко ја совлада Швајцарија со 30:29 во вториот натпревар од 5. коло во групата 7 во квалификациите за ЕП.

Со оваа победа Данците не ни дозволија да се бориме за првото место во групата против Швајцарија во недела, но добрата страна на овој резултат е што имаме загарантирано второ место.

Без Микел Хансен Данска едвај дојде до победа. Беа во негатива речиси цел натпревар. На полувремето Швајцарците водеа со 17:14.

Шмид ја предводеше Швајцарија која водеше се до 45. минута кога Данска дојде до изедначување на 22:22. Потоа до крајот Данска го одржуваше тесното водство.

Шмид беше најефикасен на натпреварот со 12 гола, додека во редовите на Данска Гидсел, Менсах, Ларсен и Јакобсен постигнаа по четири.

Така Македонија групната фаза ќе ја заврши како второпласирана селекција бидејќи невозможно е да се очекува кикс на Данска со Финска.