Магична вечер за Лазаров и друштвото, го срушија Келце за четвртфинале во ЛШ!

Француски Нант во реванш натпреварот од осминафиналето во Лигата на шампионите славеше со 31:34 против Келце и обезбеди место во четвртфиналето.

Македонскиот предводник Кирил Лазаров беше еден од клучните играчи кај Нант заедно со голманот Нилсен, Ривера и Мене. Лазаров постигна четири гола и подели пет асистенции.

Како и во првиот меч, Нант влезе одлично и одржуваше предност од три гола, на два пати не искористи шанса да оди на плус четири.

Гледавме драматична завршница, Келце на две ипол минути до крајот изедначи на 30:30, но сепак Нант до крајот одигра подобро и дојде до триумф во 31:34.

Во четвртфиналето Нант најверојатно ќе игра против Веспрем кој утре го игра реваншот со Вардар.