Ливерпул бира: Алисон или Донарума

Еден од приоритетите на Ливерпул во летниот преоден рок ќе биде доведување на врвен голман, а според најавите тој најверојатно ќе пристигне од Серија А.

Англиските медиуми пренесуваат дека Јирген Клоп е спремен да понуди 60 милиони евра за младиот голман на Милан, Џанлуиџи Донарума.

Иднината на Донарума во Милан е неизвесна, а наводно неговиот агент Мино Раиола веќе започнал преговори со „црвените“. Тој има одлични односи со раководството на Ливерпул и ќе направи се за да го однесе 19-годишниот голман на „Енфилд“.

Ливерпул покажува интерес и за голманот на Рома, Алисон Бекер, но ќе биде многу потешко да стигне до неговиот потпис бидејќи за Бразилецот силен интерес покажува и Реал Мадрид.

Милан веќе го обезбеди потписот на Пепе Реина и наводно е спремен да се раздели со Донарума доколку пристигне понуда помеѓу 60 и 70 милиони евра.