Дома Фудбал Останато Легендата го советува Буфон: Повлечи се веднаш!

Легендата го советува Буфон: Повлечи се веднаш!

0

Џанлуиџи Буфон изгледа и понатаму не размислува за крај на кариерата.

Легендарниот голман ја заврши својата едногодишна епизода во Париз. Од Франција заминува со трофејот во Лига 1, но и со горк вкус поради раната елиминација во Лигата на шампионите, ПСЖ беше поразен и во финалето од францускиот куп.

Според информациите Буфон се уште не размислува да се повлече, а според некои информации има понуди од клубот каде што започна Парма и уште некои други клубови.

Многумина сепак сметаат дека е дојдено време да се пензионира и со нив се сложува легендата на италијанскиот фудбал, Џанлука Паљука.

„Без никакво сомневање можам да кажам дека Буфон е најдобриот голман во последните 20 години. Константен е, со една реченица комплетен голман. Како добар пријател го советувам да ја испочитува својата кариера. Продолжувањето понатаму е ризик. Тажно е да се има крај како на Тоти, така да го советувам да се повлече веднаш“, изјави Паљука за „Газета дело Спорт“.

Останува да се види дали Буфон ќе го послуша советот на постариот колега, но мора да се признае дека сигурно и добар дел од јавноста сака да го види Буфон на голот на Парма, тоа би било една убава приказна.

Advertisements
Прочитајте поврзани статии
Load More In Останато

Проверете

Тоа е таа елеганција: Зидан покажа дека уште има магија во нозете (ВИДЕО)

Францускиот стратег Зинедин Зидан ужива во деновите од одморот пред напорната сезона која …