Лапорта: Барам трпение!

Претседателот на Барселона, Жоан Лапорта се обрати на навивачите и на сите во клубот после поразот во Лига на шампиони.

Каталонците беа поразени на „Камп Ноу“ од Баерн Минхен со 3:0, а тоа го запали алармот во Барселона и го зголеми незадоволството кај фановите.

„Здраво на сите членови на клубот, и јас сум разочаран исто како и вие. Морам да ви кажам дека ова е една од ситуациите кои ги очекувавме. Ве молам за трпение и да продолжиме по нашиот пат. Исто така ве молам да имате доверба во луѓето кои го водат клубот. Потребна ни е доверба и време, нема сомнеж дека ќе го решиме и овој проблем“, се обрати Лапорта.