Кулибали се договорил со ПСЖ?

Пари Сент Жермен е силно заинтересиран за дефанзивецот на Наполи, Калиду Кулибали, а последните информации се дека е постигнат договор со Сенегалецот.

ПСЖ на лето ќе остане без капитенот Тиаго Силва и веќе бара замена, па спортскиот директор Леонардно нема да жали пари за да го донесе Кулибали во Париз.

Сенегалецот е мета на многу европски гиганти, но Наполи во летниот преоден рок за неговиот потпис бараше 100 милиони евра.

Сега работите се променија бидејќи Кулибали не е задоволен во Наполи, а тоа се одрази и на неговите настапи, па ПСЖ сака да ја искористи таа ситуација.

Наводно Кулибали веќе постигнал договор со „светците“ и во Париз ќе заработува 10 милиони евра по сезона, па сега останува уште двата клуба да ја договорат отштетата.

ПСЖ за неговиот потпис нуди 75 милиони евра, сума која Наполи е спремен да ја прифати.