Крај на сезоната за Киеза!

Лошите вести за Јувентус денес беа потврдени, Федерико Киеза ја заврши сезоната!

Одличниот напаѓач ги скинал лигаментите на коленото и сега следи операција. Дијагнозата е јасна и не остава никаква дилема. Во следните неколку дена тој ќе оди на операција и може да се каже дека за него ова е крај на сезоната. Опоравувањето од вакви повреди трае од четири до шест месеци, сигурно дека ниту тој, а ниту Јувентус нема да ризикува со избрзување за враќање на терените.

Италијанецот сигурно многу ќе недостасува во нападот на Алегри кој ќе мора да најде некое решение. Добро во целата ситуација е што е отворен преодниот рок, па можеби ќе пристигне и некое засилување.

Со повредата на Киеза сега е јасно дека Кулушувески сигурно нема да биде продаден, а поголема улога ќе добие и Бернардески на кого му завршува договорот на лето.