Конте: Не сме без шанси, знаеме која е Барселона, но ќе ја играме нашата игра!

Конте е свесен дека Барселона е фаворит, но истакнува дека неговиот тим нема однапред да се предаде.

„Двомечот почнува со резултат 0:0. Знаеме која е Барселона. Голем клуб, еден од најсилните на светот сосем сигурно. Ова е тим на натпревар кој не може да се одигра туку така, секогаш постои возбуда и еуфорија кога играте. Барселона негува специфичен стил на игра и сака да има теренска доминација, но не смееме да се откажеме од својата игра“, истакна Конте и продолжи:

„Барселона на хартија е фаворит за пласман во следната фаза, но подготвени сме да се бориме. Тие играат фантастична сезона, лидери се во Шпанија и имаат голема шанса да го освојат и Купот. Сепак, мислам дека ние не сме без шанси“.

Неизбежно прашање беше и тоа- Како ќе го чувате Лео Меси?

„Меси е најдобриот играч на светот. Тој има можност во секоја ситуација да пронајде решение и создаде шанса кога изгледа дека сте сигурни. Нема дилеми дека Меси е најопасен заедно со Суарез, но тие двајца не се единствени. Барселона има многу квалитетни играчи на кои треба да се обрне внимание“.

Првиот меч Челзи и Барселона го играат на „Стемфорд Бриџ“, а реваншот на „Камп Ноу“, што би можело да биде дополнителна предност за Каталонците пред овој двомеч.