Конечно добри вести за Реал: Се враќа одличниот играч за врска!

Хрватската репрезентација денес игра бараж натпревар за СП против Грција и ќе биде ослабена за неколку стандардни првотимци, меѓу кои и Матео Ковачиќ.

Ковачиќ се повреди во 24-та минута на натпреварот против Апоел во Лигата на шампиони, а потоа беше утврдено дека станува збор за парцијална роптура на адукторот.

Играчот на Реал Мадрид се врати на тренинзите дури после два месеци после повредата, а денес за прв пат одработи индивидуален тренинг со топка.

„Не можам да го тргнам погледот од топката. Конечно се вратив на терен“, напиша Ковачиќ на својот Инстаграм.

Поради повреда Ковачиќ пропушти 12 натпревари, а оваа сезона одигра само седум натпревари. Неговото враќање на терените сигурно ќе го израдува тренерот Зинедин Зидан.