Како ќе изгледа летниот преоден рок?

Престојниот летен преоден рок би можел да трае цели осум месеци, што е незапаметено во фудбалската историја.

Поради пандемијата со коронавирусот сите фудбалски лиги во светот се запрени. Поради тоа клубовите бележат големи загуби и нивните буџети се на голем удар.

Токму поради тоа клубовите официјално побараа од ФИФА да се продолжи летниот преоден рок за да имаат доволно време да ги реализираат трансферите бидејќи веројатно е дека двете сезони ќе се преклопат.

Па така истовремено додека трае сезоната би можел да биде отворен и трансфер пазарот, поточно летниот и зимски преоден рок да се спојат, за клубовите да имаат доволно време за реализација на посакуваните трансфери.

ФИФА сериозно го разгледува овој предлог и нема да биде изненадување доколку го прифати.