Кавани како слободен играч се враќа во Италија?

Едисон Кавани од наредната сезона многу веројатно ќе го гледаме во нов клуб.

На уругвајскиот напаѓач му истекува договорот со ПСЖ и изгледа нема да го продолжи, за него постои интерес од повеќе клубови ширум светот.

Дејвид Бекам му нуди голема сума за да оди во МЛС лигата во неговиот Интер Мајами, се јави и Атлетико Мадрид, потоа Бока Јуниорс, а не е исклучено и „Ел Матадор“ да се врати во Италија и тоа во неговиот поранешен клуб.

Италијанците пишуваат дека газдата на Наполи Аурелио Де Лаурентис сака Кавани повторно да го види под Везув и наводно е спремен да му даде договор на три години со седум милиони евра годишна плата и плус седум милиони кои би ги добил како бонус бидејќи доаѓа како слободен игра.

„Џенаро Гатузо со задоволство би го прифатил Кавани во својот тим“, се пишува на Апенините.