Кабиб се огласи на социјалните мрежи: Добил понуда за која размислува

Шампионот во лесна категорија во УФЦ, Кабиб Нурмагомедов добил интересна понуда за продолжување на кариерата.

За Дагестанецот после борбата со Конор Мекгрегор зборува целиот свет, а Кабиб испрати закана до УФЦ дека ќе го раскине договорот со организацијата доколку некој од неговите членови на тимот биде казнет.

Нурмагомедов тврди дека е спремен да замина, а преку социјалните мрежи потврди дека има организација која сака да го види во своите редови. Тој утрово откри дека добил понуда од „WWE“ oрганизацијата.

Раководството на популарните кечери со задоволство би го видело во своите редови, а Кабиб се консултираше со своите фанови на социјалните мрежи.

„WWE ме праша да им се придружам. Што мислите за тоа?“, запраша Дагестанецот преку својот Твитер профил.

@WWE ask me to jump inside.
What do you think guys? #SmashLesnar #FakeFights

— khabib nurmagomedov (@TeamKhabib) October 12, 2018