И Херта го сака Чурлинов, но желба на Македонецот е враќање во Шалке

Македонскиот репрезентативец Дарко Чурлинов се врати во Штутгарт каде што ги поминува подготовките за новата сезона.

На последниот пријателски натпревар Чурлинов постигна и гол, но медиумјите и понатаму пишуваат дека негова желба е да се врати во Шалке. Во меѓувреме пристигна и информација дека Херта сака да го доведе.

Херта наводно е спремна да ја плати сумата која ја бара Штутгарт, но Македонецот сака само во Шалке каде што играше како позајмен фудбалер. Проблемот е што Шалке не е спремен да плати три милиони евра.

Сепак, до крајот на преодниот рок не е исклучена можноста двете страни да пронајдат некаков договор и Чурлинов да се врати во Шалке.