И тоа е можно: Тухел не е задоволен со тимот!

Фудбалерите на Пари Сен Жермен беа поразени со 3:1 од Баерн Минхен на Интернационалниот куп на шампионите во САД.

„Светците“ на турнејата се без своите најголеми ѕвезди, па Тухел буквално игра со деца од академијата.

Германецот уште извесен период нема да го има на располагање комплетниот состав, бидејќи Нејмар, Кавани и Килијан Мбапе, по настапот за нивните репрезентации на Светското првенство во Русија, сега се на одмор.

„Имаме исклучително силен напад со Нејмар, Кавани и Мбапе, па затоа и се радувам на идната соработка со нив. Но, ќе мора да почекаме уште малку, бидејќи доста играа на Светското првенство. За жал тие ќе доцнат, а првенството ќе почне рано. Секако дека не сум среќен поради тоа“, истакна Тухел.

Француското првенство ќе започне на 12-ти август, а споменатите фудбалери ќе му се приклучат на тимот на 1-ви август.