Ирците претпазливи: Имаме добра предност, но Шкупи покажа дека е опасен

Шкупи вчера доживеа пораз на гостински терен од Шамрок Роверс со 3:1, а менаџерот на ирскиот тим Стефан Брадли истакна дека голот во самиот финиш за 3:1 би можел да биде клучен во овој двомеч.

Шамрок го искористи лошиот почеток на Шкупи и во половина час постигна два гола. Во вториот дел Шкупи се врати и намали на 2:1, но сепак до крајот Ирците постигнаа трет гол за победа од два разлика.

„Голот кој сигурно е важен можеби ќе се покаже и како пресуден. Сега во реваншот одиме со предност од два гола, но и покрај победата фрустриран сум од тоа како изгледавме во одредени моменти од натпреварот. Шкупи покажа дека може да биде опасен, ние сме во добра позиција и ќе се обидеме да ја искористиме“, изјави Бредли.