Иванишевиќ најави на кого би можел да биде тренер

ВО интервјуто кое го даде за „Спорт Клуб“ и во кое го објаснува прекинот на соработката со Новак Ѓоковиќ, Горан Иванишевиќ изјави дека ќе направи мала пауза за да се одмори, а потоа би можел да се врати на работа.

Под знак прашалник е кој ќе биде следниот играч што ќе го води и јасно е дека Иванишевиќ го чека поинаква работа од онаа што ја имаше досега, а и самиот тој најави пресврт.

“Дел од мене чека да го пренесам сето она што го научив на друг играч, но ќе почека барем до септември. Што по Ѓоковиќ? Тренирав најголемиот и освоив се. Би сакал некој помлад, некој што сега треба да стане голем играч. Дино Прижмиќ? Можеби“.

Прижмиќ и Ѓоковиќ се соочија во 1. коло на овогодинешниот Австралија Опен. Хрватскиот тинејџер, квалификант за првиот Грен слем сезонава, а потоа и 178. на АТП-листата, го мачеше Ѓоковиќ, кој на крајот победи со 6:2, 6:7(5), 6:3, 6:4.