Ибрахимовиќ ја потврди ситуацијата со Зиркзе и ги разочара навивачите на Милан

Холанѓанецот Џошуа Зиркзе нема да се пресели во редовите на Милан, потврди Златан Ибрахимовиќ.

Зиркзе беше голема желба на „росонерите“, но на крајот изгледа ќе заврши во Манчестер Јунајтед кој сега е најблиску до неговиот потпис.

Ибрахимовиќ најави дека Милан сега ја разгледува опцијата за друг играч, меѓутоа не го откри неговото име.

„Имаме неколку опции и не брзаме. Трансфер периодот е отворен неколку месеци и можам да ветам дека ќе имаме засилувања. Преговараме, но не сме реализирале се уште ниту еден трансфер. Ќе потврдам дека Зиркзе е минато, имаме друг фудбалер на ум“, изјави Ибрахимовиќ.

Зиркзе во овој момент со Холандија на Европското првенство каде што го очекува полуфинале против Англија.