Зидан им признал на играчите дека заминува

Иднината на Зинедин Зидан  е главна тема во шпанските медиуми, а веќе подолго време се шпекулира дека Французинот ќе го напушти Реал Мадрид.

„Марка“ пренесува дека Зидан веќе донел конечна одлука и им соопштил на фудбалерите дека следната сезона нема да биде на кормилото на Реал Мадрид.

Угледниот весник информира дека Зизу им ја пренел оваа вест на своите играчи во соблекувалната веднаш по крајот на саботниот тренинг, поради што закажаната пресконференција доцнеше одредено време.

Зидан на пресконференцијата пред дуелот со Атлетик Билбао, рече дека правилно е да се направи нешто кое ќе биде добро за сите, и тоа се толкува како најава меѓу редови дека и за него и за Реал, мислат дека е најдобро ако се разделат. 

„Марка“ пренесува дека главни фаворити за негов наследник се легендата  Раул Гонзалес и Масимилиано Алегри.

Zinedine Zidane has told his Real Madrid squad he is leaving the club at the end of the season. (Source: @Radioestadio) pic.twitter.com/JwOGPLzEfj

— Transfer News Live (@DeadlineDayLive) May 15, 2021