За ситуацијата во Аргентина се огласи и Марадона: Го заслуживме ова затоа што сме овци!

За случувањата во Аргентина и одложувањето на натпреварот помеѓу Ривер и Бока се огласи и легендарниот Диего Армандо Марадона.

Познато е дека Марадона е голем навивач на Бока, а играчите на неговиот тим беа каменувани во саботата, при што неколку фудбалери заработија повреди.

После одложувањата, засега нема одредена точна дата и за тоа ќе биде донесена одлука во наредните два дена.

Според Марадона виновник за хаосот кој се случува е претседателот на Аргентина, Маурицио Макри. Макри своевремено беше и прв човек на Бока, но подоцна влезе во политиката и стана претседател.

„Претседателот Макри ги излажа луѓето. Гласавме за неговите ветувања, но ништо не е подобро, всушност ситуација е полоша. Обезбедувањето и полицијата, никаде ги нема додека секојдневно се случуваат грабежи. Но, ние сме виновни, гласавме за него како овци! Тој е син на милијардер и не му е гајле за земјата, ова што сега се случува е одраз на неговото лошо водење на државата“, изјави Марадона.