Заврши сезоната за Андреј Јакимовски со Вашингтон Стејт

Вашингтон Стејт Универзитетот рано го заврши својот настап кон најдобрите четири во НЦАА лигата.

Тимот на македонскиот супер талент Андреј Јакимовски и неговите соиграчи беа поразени во првиот натпревар од плеј-оф турнирот на дивизијата Пацифик-12.

Подобар од тимот на Куграс беше Аризона Стејт кој славеше со 64:59. Мечот се решаваше во последните секунди од мечот.

Македонскиот кошаркар кој имаше фантастичен почеток на сезоната во овој дуел не доби многу простор за игра и одигра само четири минути. Во тој период украде една топка и имаше еден непрецизен удар за два поени.