Енрике најави „бомба“: Мбапе може да остане во ПСЖ

Тренерот на Пари Сент Жермен, Луис Енрике најави вистинска „бомба“ и најави дека Килијан Мбапе може да остане во Париз.

Заминувањето на Мбапе медиумите го најавија како веќе завршена работа, но сега Луис Енрике тврди дека се уште постои шанса Французинот да остане на „Паркот на принцовите“.

„Кој вели дека ова е последно дерби за Мбапе? Јас се надевам дека ќе остане во Париз. И понатаму ништо не е сигурно, сè уште ништо не објавил и можеби ќе се премисли. Замислете да ги освоиме сите четири пехари и Мбапе реши да остане. Зошто да не? Ќе видиме“, рече Енрике.

Останува да видиме дали Енрике со ова само сакаше да го намали притисокот врз Мбапе во клучните натпревари или навистина постои шанса Французинот да го продолжи договорот.