Егзодус во Шалке: Клубот објави заминувања на десет фудбалери

Германскиот гигант од Гелзенкирхен, Шалке 04 немаше баш најдобра сезона па затоа наредната година ќе настапува во втората Бундеслига.

Шалке зад себе има хаотична сезона во која се соочи со финансиски проблеми, чести тренерски смени, недостиг на квалитет…Сето тоа придонесе наредната сезона овој тим да игра во втората лига.

Денес беше објавено и дека клубот по испаѓањето ќе го напуштат 10 играчи. Од Шалке заминуваат: Бенжамин Стамбули, Бастијан Ошчипка, Стиве Скржибски, Алесандро Шоф, Шкодран Мустафи, Набил Бенталеб, Вилијам, Гонзало Пасинесија, Фредрик Ренов и Килијан Лудевиг.

Покрај овие потврдени заминувања се најавува и заминување на уште некој играч.