Еве што кажа Алегри за трансферот на Роналдо

Тренерот на Јувентус, Масимилиано Алегри го даде првиот коментар за доаѓањето на Кристиано Роналдо во редовите на „старата дама“.

Трансферот вчера и официјално беше потврден, а Алегри смета дека неговото доаѓање ќе биде добро не само за Јувентус, туку за цела Серија А.

„Мислам дека доаѓањето на Роналдо е чекор напред за сите во клубот. Во понеделник ќе има пресконференција, знам дека е многу среќен и дека е огромен професионалец“, изјави Алегри.

„Ова е салто во квалитет за еден тим кој постигна големи нешта изминатите години. Овој трансфер е нешто исклучително, не само за Јувентус туку за цела Серија А. Каде ќе игра во мојот тим? Поблиску до голот“, одговори Алегри.