Дибала со оваа изјава предизвика „земјотрес“: „Старата дама“ се налути

Аргентинскиот репрезентативец Пауло Дибала предизвика „земјотрес“ во Италија со изјавата дека еден ден сигурно ќе го напушти Јувентус.

Италијанскиот шампион утре на свој терен ја пречекува Барселона, а Дибала за медиумите изјави:

„Од секогаш му се восхитував на Роналдињо. Тој е мојот идол. Што се однесува до Меси, голема е честа што можам да играм со него во репрезентацијата. Тој е најзаслужен за нашиот пласман на Светското првенство. Роден е да биде лидер. Меси е Марадона на нашата генерација“, изјави Дибала.

Аргентинецот потоа изјави дека сака да заигра со Нејмар и многу ги налути „бјанконерите“.

„Искрено, во иднина би сакал да заиграм заедно со Нејмар. Тоа ми е голема желба и се надевам дека еден ден ќе ми се исполни. Тој е моментално најблиску до Меси и Роналдо, а јас морам многу да се трудам за да дојдам во ситуација да ја освојам Златната топка“, заклучи Аргентинецот.

Paulo Dybala : "Cristiano Ronaldo et Messi ont fait des choses incroyables, mais Neymar est très proche de leur niveau, il a ses chances pour le prochain Ballon d'Or." pic.twitter.com/SmxPyyTRQv

— LaCommuPSG (@LCPSG) November 20, 2017