Готово е, Челзи го договори првото засилување!

Англиските и француските медиуми ја потврдија оваа вест.

Играчот од средниот ред на Монако, Бакајоко, овој викенд би требало да го заврши трансферот во редовите на Челзи.

Францускиот Л’Екип потврди дека „Сините“ за трансферот на 22 годишниот играч од средината на теренот ќе платат 40 милиони евра.

Бакајоко ги договори личните услови со Челзи, а одредени медиуми пишуваат дека наскоро се очекува тој да пристигне во Лондон на медицински прегледи.

Пристигнувањето на Бакајоко би можело да значи дека за Немања Матиќ повеќе нема место во тимот на Антонио Конте. Италијанецот има намера со Канте и Бакајко да оформи вистински бедем пред одбранбената линија.

Матиќ се поврзуваше со трансфер во Јувентус, но интерес за неговите услуги покажа и Жозе Мурињо.